У Рыме беларус скраў аўтамабіль афіцэра, які яго выпусціў з турмы
Беларус катэгарычна адмаўляе якое-небудзь дачыненне да крадзяжу аўтамабіля / poliziapenitenziaria.it
У Рыме беларус скраў аўтамабіль афіцэра, які яго выпусціў з турмы. Пра гэты незвычайны выпадак паведамляе італьянская паліцыя.
44-гадовы беларус быў вызвалены з турмы "Рэбібія" ўвечары. Відаць, ісці пешшу ён не захацеў і скраў прыпаркаваны аўтамабіль Ford аднаго з супрацоўнікаў турмы. Момант крадзяжу быў зафіксаваны камерамі відэаназірання, ужо ўначы мужчыну пачалі шукаць. Неўзабаве яго затрымалі.
Падчас допыту беларус катэгарычна адмаўляў якое-небудзь дачыненне да крадзяжу аўтамабіля, нягледзячы на неабвержныя доказы. Легкавік, дарэчы, знайсці так і не ўдалося. А яго выкрадальніка чакае новы тэрмін зняволення.
