У Варшаве адзначылі Дзень беларускай вайсковай славы
8 верасня ў Варшаве адбылося святочнае шэсце ў гонар беларускай перамогі ў бітве пад Оршай.
Удзельнікі мерапрыемства з бела-чырвона-белымі сцягамі і
нацыянальнай сімволікай сабраліся а 17 гадзіне каля помніка Шарлю дэ
Голю ў цэнтры польскай сталіцы і зладзілі шэсце да памятнай шыльды
генерала Станіслава Булак-Булаховіча.
![](/files/styles/in_report/public/field/image/2010/09/2205/15994.jpg)
Арганізатарам акцыі ўжо чацвёрты год запар выступае аб'яднанне "Беларуская Нацыянальная Памяць".
![](/files/styles/in_report/public/field/image/2010/09/2205/15995.jpg)
Гаворыць адзін з арганізатараў акцыі Анатоль Міхнавец:
"Мы
сабраліся, каб ушанаваць памяць беларускіх ваяроў, усіх, хто 8 верасня
1515 г. са зброяй у руках бараніў сваю Бацькаўшчыну. І мы робім
традыцыйнае шэсце ад помніка Шарлю дэ Голю да таго месца, дзе загінуў
беларускі ваяр Булак-Булаховіч".
![](/files/styles/in_report/public/field/image/2010/09/2205/15993.jpg)
Шэсце
было запачаткаванае студэнтамі праграмы імя Кастуся Каліноўскага, але
прыйшлі і беларусы, якія жывуць у Варшаве, і палякі, якія падтрымліваюць
нас у змаганні за незалежнасць.
![](/files/styles/in_report/public/field/image/2010/09/2205/15996.jpg)
Паводле Анатоля Міхнаўца, фармат мерапрыемства трэба змяняць, бо з кожным годам у падобных шэсцях удзельнічае ўсё менш людзей.
![](/files/styles/in_report/public/field/image/2010/09/2205/15997.jpg)
Каля
шыльды Булак-Балаховіча прысутныя ўшанавалі памяць беларускіх ваяроў
хвілінай маўчання і выслухалі Анатоля Міхнаўца, які распавёў пра
беларускія вайсковыя традыцыі.
![](/files/styles/in_report/public/field/image/2010/09/2205/15998.jpg)
![](/files/styles/in_report/public/field/image/2010/09/2205/15992.jpg)
Фота Дашы Форман