У Віцебску фальшываманетчыкі ахвотна падрабляюць беларускі рубель
Мяркуючы па дзеяннях фальшываманетчыкаў, беларускі рубель застаецца валютай прывабнай. І нават дэвальвацыя не здолела паўплываць на аўтарытэт “зайца” ў гэтым асяроддзі. Не паспелі днямі віцебскія міліцыянты злавіць групу, што падрабляла 20-тысячныя купюры, як у Першамайскім раёне з’явіўся новы майстар, якому не шкада сіл ды часу на выраб паперак вартасцю нават у 10 тыс. Менавіта дзве такія падробкі 33-гадовы мясцовы жыхар вырабіў на прынтэры і нават здолеў іх збыць.
