У Віцебску суддзя прынесла афіцыйныя выбачэнні затрыманым жанчынам

Шэсць жанчын затрымалі падчас прагулкі ў прыгарадным лесе 13 студзеня. Яны займаліся скандынаўскай хадзьбой, але міліцыянерам гэта падалося падазроным — абвінавацілі ў "несанкцыянаваным пікетаванні" (у заплечніку Севярынец знайшлі бел-чырвона-белы сцяг). Іх завезлі ў міліцыю.

"Мы стаялі на лясной дарожцы і рабілі гімнастыку... Раптам пад'ехала машына з таніраваным шклом, а неўзабаве з розных бакоў... з'явіліся людзі ў чорным... 12 чалавек", — распавядала Таццяна Севярынец, маці палітвязня Паўла Севярынца.

У аўторак не разглядалася справа 65-гадовай Тамары Ільіной, паколькі яе з міліцыі забралі ў бальніцу, дзе яна і знаходзіцца ў кардыялагічным аддзяленні.