У Віцебску ў аварыю трапіла маршрутка, траіх пасажыраў завезлі ў бальніцу
На месцы аварыі / vk.com/vitebsk__jai
11 траўня каля 13:30 у Віцебску ў аварыю трапіла маршрутка, траіх пасажыраў завезлі ў бальніцу. Як паведамляе прэс-служба віцебскай ДАІ, з мікрааўтобусам Mercedes сутыкнуўся аўтамабіль Nissan, які ехаў у спадарожным накірунку. У нейкі момант у выніку разгерметызацыі кола 57-гадовая вадзіцель страціла кіраванне. Ад удару легкавік адкінула на тратуар.
Медыкі забралі з месца аварыі траіх пасажыраў маршруткі для абследавання.
Улады вельмі пільна сочаць за здарэннямі з маршруткамі пасля жахлівай аварыі, якая здарылася каля Смалявічаў 20 лютага сёлета. Тады мікрааўтобус з пасажырам улабавую сутыкнуўся з гружаным МАЗам. На месцы аварыі загінулі 11 чалавек, яшчэ два памерлі пазней у лякарнях.
vk.com/vitebsk__jai
