У Вілейскім раёне п'яны кіроўца на пагрузчыку чысціў снег і наехаў на малакавоз
![На месцы здарэння](/sites/default/files/styles/gallery_main/public/2023-12/vil1.jpg.webp?itok=UxRrkLT3)
На месцы здарэння / peramoga.by
У Вілейскім раёне п'яны кіроўца на пагрузчыку "Амкадор" чысціў снег і наехаў на малакавоз "МАЗ". Як піша газета "Шлях перамогі", здарэнне адбылося ў нядзелю ў 13:30 на тэрыторыі фермы "Дабровічы" Людвіноўскага сельсавета. ДТЗ кіроўца ўчыніў, калі пагрузчык рухаўся заднім ходам. Транспартныя сродкі атрымалі пашкоджанні, ніхто з людзей не пацярпеў.
Падчас разбіральніцтва высветлілася, што кіроўца пагрузчыка быў у стане алкагольнага ап'янення — 3,6 праміле. Парушальніку пагражае вялізны штраф (да 7400 рублёў) і пазбаўленне права кіравання аўтамабілем тэрмінам на 5 гадоў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.