Украіна прыпыніла ўвядзенне спецпошліны на імпарт шэрагу тавараў з Беларусі
![Украіна прыпыніла ўвядзенне спецпошліны на імпарт шэрагу тавараў з Беларусі](/sites/default/files/styles/gallery_main/public/2023-08/bilorus_ukraine_border715httpespresotv.jpg.webp?itok=EnrfqU6O)
Украіна прыпыніла ўвядзенне спецпошліны (у памеры 39,2%) на імпарт шэрагу тавараў з Беларусі да 15 верасня. Яе планавалася ўвесці з 1 траўня, у адпаведнасці з рашэннем Міжведамственнай камісіі па міжнародным гандлі.
Як інфармуюць "Украінскія навіны", у лістападзе 2015-га было прынятае рашэнне аб увядзенні спецпошліны на малако і малочныя прадукты, сыры, кандытарскія і хлебабулачныя вырабы, соладавае піва, гарэлку, кухонную мэблю, шыны і пакрышкі, камбінаваныя халадзільнікі-маразільнікі ёмістасцю да 340 літраў, розныя віды трактароў для сельгасработ, якія паходзяць з Беларусі. Гэта мусіў быць адказ на дзеянні нашай краіны ў дачыненні украінскіх прадпрыемстваў кандытарскай і піваварнай галін. Аднак у далейшым Мінск і Кіеў шукалі шляхі вырашэння гэтай праблемы.