Украінскі горад Мікалаеў спыняе супрацоўніцтва з Браславам і Магілёвам
![Украінскі горад Мікалаеў спыняе супрацоўніцтва з Браславам і Магілёвам](/sites/default/files/styles/gallery_main/public/2023-08/8e48313f601d9c0407b8285eb8e7f720.i999x999x670.jpeg.webp?itok=ZN-ex3Kp)
Украінскі горад Мікалаеў спыняе супрацоўніцтва з беларускімі гарадамі — з Браславам і Магілёвам. Пра гэта паведаміў яго мэр Аляксандр Сянкевіч. Адпаведныя лісты адпраўлены ў выканкамы. У аднабаковым парадку ўкраінскім бокам скасаваная дамова аб пабрацімстве Мікалаева і Магілёва.
"Ва ўмовах, калі Беларусь не проста падтрымлівае расійскую вайну супраць нашай краіны, але і дае войскам РФ сваю тэрыторыю для назапашвання вайсковай тэхнікі і абстрэлаў украінскіх гарадоў балістычнымі і крылатымі ракетамі, ніякага супрацоўніцтва паміж намі не можа быць", — піша мэр Мікалаева.
Сяркевіч падкрэслівае, што "з тымі, хто стварыў вакол сябе злачынны аўтарытарны свет, нам не па шляху", бо ўкраінцы "занадта цэняць сваю свабоду і ўжо восем гадоў плацяць за яе высокую цану".
У той жа час Аляксандр Сянкевіч верыць, што беларускі народ здабудзе сапраўдную незалежнасць, і тады могуць быць пабудаваныя "новыя партнёрскія дачыненні".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.