Улады скарацілі 41 адміністрацыйную працэдуру для бізнесу...
![Улады скарацілі 41 адміністрацыйную працэдуру для бізнесу...](/sites/default/files/styles/gallery_main/public/2023-08/paper.jpg.webp?itok=NhZMcujA)
Сёння ў Беларусі дзейнічае 787 адміністрацыйных працэдур, якія неабходна выконваць для вядзення розных відаў бізнесу. Яны ахопліваюць увесь цыкл існавання прадпрыемства: ад стварэння да ліквідацыі. Гэта вельмі шмат: усяго пяць гадоў таму іх было на 200 менш.
Намесніца міністра эканомікі Ірына Касцевіч на "Асамблеі дзелавых колаў" кажа, што за 2016—пачатак 2017 года ўлады адмянілі 41 працэдуру, і спрасцілі яшчэ 17.
Але за той жа час "у межах рэалізацыі міжнародных дамоваў і заканадаўчых актаў" было ўведзена 37 новых адміністрацыйных працэдур! "Увядзенне новых працэдур складана назваць неабгрунтаваным", — пракаментавала гэты факт намміністра эканомікі.
Такім чынам, за апошні год у Беларусі стала на 4 адміністрацыйныя працэдуры менш. Гэта 0,5% ад іх агульнай колькасці. Вось такое спрашчэнне ўмоваў вядзення бізнесу!