Ва Ушацкім раёне зваліўся дэльтаплан, пілот загінуў
![Ва Ушацкім раёне зваліўся дэльтаплан, пілот загінуў](/sites/default/files/styles/gallery_main/public/2023-08/deltaplan-1101-3.jpg.webp?itok=AtY0mS13)
Трагічнае здарэнне адбылося 11 студзеня ва Ушацкім раёне Віцебшчыны. Каля 17-й гадзіны відавочца паведаміў мясцовым ратавальнікам, што каля вёскі Лутава Ушацкага сельсавета зваліўся лятальны апарат.
У полі за 400 метраў ад вёскі ратавальнікі выявілі аднамесны дэльтаплан. На месцы падзення быў знойдзены труп пілота-мужчыны.
Міліцыя ачапіла месца падзення дэльтаплана. Прыналежнасць лятальнага апарата і асоба пілота высвятляюцца.