Відэа: у Мінску дыпламаты з 36 краін чыталі вершы Янкі Купалы

У Мінску дыпламаты з 36 краін чыталі вершы Янкі Купалы, па-беларуску і на сваіх родных мовах. Мерапрыемства "Я нясу вам дар", прысвечанае Дню роднай мовы, у аўторак прайшло ў МЗС Беларусі.

Як інфармуе прэс-служба знешнепалітычнага ведамства, намеснік міністра замежных спраў Алег Краўчанка адзначыў, што словы Янкі Купалы "адлюстроўваюць нашу беларускую гісторыю, наш розум, нашу волю, наш дух, наша беларускае сэрца". Ён адкрыў паэтычны вечар знакамітым купалаўскім вершам “Не загаснуць зоркі ў небе”. Як вядома, сёлета адзначаецца 135-годдзе з дня нараджэння Купалы.