Віктар Бабарыка: мы сабралі амаль 100 тысяч подпісаў
![Віктар Бабарыка: мы сабралі амаль 100 тысяч подпісаў](/sites/default/files/styles/gallery_main/public/2023-08/babaryka-2005-1.jpg.webp?itok=krruy5S8)
Ініцыятыўная група Віктара Бабарыкі сабрала за няпоўныя два тыдні амаль 100 тысяч подпісаў. Пра гэта прэтэндэнт на прэзідэнцкую пасаду паведаміў у сацсетках.
"Працягваецца збор подпісаў, і мы ўжо ўшчыльную наблізіліся да ўзяцця першага бар'ера ў 100.000! Але я ўпэўнены: мы можам значна больш! Наша мэта — 1.000.000!" — напісаў палітык.
100 тысяч подпісаў — неабходны мінімум для рэгістрацыі кандыдата ў прэзідэнты.
Збор подпісаў за вылучэнне палітыкаў кандыдатамі ў прэзідэнты працягнецца да 19 чэрвеня. Такім чынам, на збор яшчэ 900 тысяч подпісаў у групы Бабарыкі застаецца крыху больш за паўмесяца.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.