Пачынаецца чарговы суд над Эдуардам Бабарыкам
Эдуард Бабарыка / БЕЛТА
У Бабруйску сёння пройдзе судовае паседжанне па справе Эдуарда Бабарыкі. Гэтым разам палітзняволенага абвінавачваюць у "злосным непадпарадкаванні адміністрацыі калоніі". Эдуарду пагражаюць дадатковыя 2 гады пазбаўлення волі, паведамляюць праваабаронцы.
Эдуард Бабарыка быў кіраўніком перадвыбарчага штаба свайго бацькі экс-банкіра Віктара Бабарыкі на выбарах 2020 года. Іх затрымалі 18 чэрвеня, калі яны ішлі ў ЦВК здаваць падпісныя лісты. Суд над Эдуардам адбыўся толькі ў ліпені 2023 года — яго асудзілі на 8 гадоў пазбаўлення волі. Пры гэтым у тэрмін не залічылі час утрымання ў СІЗА КДБ паводле першапачатковага абвінавачання, а гэта паўтара года.
