Вядомая канчатковая праграма Be Free

Стала вядомая канчатковая праграма міжнароднага музычнага фестывалю Be Free. У гэтым годзе у фэсце возьмуць удзел такія славутыя гурты як Ляпіс Трубяцкой, Воплi Вiдоплясова, ULIS, Hair Peace Salon, B:N і іншыя. Украінска-беларускі фестываль пройдзе сёлета ў трэці раз ва украінскім Чарнігаве 22-23 жніўня. Арганізатары пазіцыянуюць Be Free як свята свабоднай музыкі, свабоднай свядомасці і яднання культур.

Адзін з арганізатараў і музыка Слава Корань падкрэслівае зорны склад удзельнікаў у гэтым годзе: “Сёлетні фэст Be Free адметны тым, што ў гэтым годзе на ім выступяць “Воплі Відаплясава” і “Ляпіс Трубяцкой”. Яшчэ ён пройдзе ў Чарнігаве. Гэта не так далёка ад Беларусі і можна лёгка на яго патрапіць. Маем надзею, што там будзе многа народу з Беларусі”.

Уваход на абодва дні фестывалю будзе бясплатным, а Чарнігаў знаходзіцца недалёка ад беларуска-украінскай мяжы, таму фестываль чакае гасцей з Беларусі, спецыяльна для якіх каля сцэны будзе арганізавана намётавае мястэчка. Поўная праграма фестывалю:

Поўная праграма фестывалю:

22 жніўня:
Re1ikt
B:N
ZATOCZKA
Partyzone
Pomidor/OFF
Znich
Vladivostok (Францыя)
Ляпис Трубецкой

23 жніўня
Glofira
Tarpach
Hair Peace Salon
LitvinTroll
Imprudence
Zero-85 (Польшча)
ULIS
Воплi Вiдоплясова (Украіна)