Выбары ў Палату прадстаўнікоў афіцыйна прызначаныя на 11 верасня
Указам Аляксандра Лукашэнкі афіцыйна прызначаныя даты парламенцкіх выбараў у Беларусі, інфармуе БЕЛТА.
Згодна з указам кіраўніка дзяржавы №190 ад 6 чэрвеня выбары ў Палату прадстаўнікоў адбудуцца 11 верасня 2016 года. Акрамя таго, указам №191 ад 6 чэрвеня ён прызначыў выбары ў Савет Рэспублікі — з 18 чэрвеня па 18 верасня 2016 года.
Абавязкі па арганізацыі выбараў і кантролю за выкананнем заканадаўства дакументы ўскладаюць на Цэнтральную выбарчую камісію. Савет міністраў абавязаны забяспечыць фінансаванне расходаў на падрыхтоўку і правядзенне кампаніі з рэспубліканскага бюджэту.
Указы набываюць моц з дня афіцыйнага апублікавання — гэта значыць, з сённяшняга дня.
