Затрыманы былы журналіст і аператар Андрэй Толчын
Андрэй Толчын / baj.by
Затрыманы былы журналіст і аператар з Гомеля Андрэй Толчын. Яго на трое сутак змясцілі ў ізалятар часовага ўтрымання, паведамляе "Гомельская вясна".
Прычыны затрымання пакуль невядомыя.
Па звестках Беларускай асацыяцыі журналістаў, у Беларусі ў зняволенні знаходзіцца 34 супрацоўнікі медыя. Толчын стаў 35-м.
Андрэя Толчына неаднаразова затрымлівалі і судзілі за журналісцкую дзейнасць з 2017 года. Пасля пратэстаў 2020-га ён вырашыў сысці з прафесіі. Правабаронцы звяртаюць увагу, што апошнія пасты на старонцы Толчына ў Facebook — гэта перапосты з дапамогай жывёлам, фота з сябрамі і знаёмымі.
