Жыхара Брэста, які хацеў адправіць Лукашэнку ў Гаагу, асудзілі на 2 гады калоніі
![Жыхара Брэста, які хацеў адправіць Лукашэнку ў Гаагу, асудзілі на 2 гады калоніі](/sites/default/files/styles/gallery_main/public/2023-08/2020-09-17t194638z_213136735_rc2j0j91z6ch_rtrmadp_3_belarus-election-lukashenko-border.jpg.webp?itok=cOgd7vwZ)
Жыхара Брэста Ігара Новіка, які хацеў адправіць Аляксандра Лукашэнку ў Гаагу, асудзілі на 2 гады калоніі агульнага рэжыму, паведамляюць праваабаронцы. Па даных следства, у красавіку-снежні мінулага года ён зрабіў сем надпісаў на фасадах будынкаў. Гэта і "Жыве Беларусь!", і самыя разнастайныя выказванні на адрас Лукашэнкі (сярод іх і заклік пра паездку ў Гаагу, дзе дзейнічае міжнародны суд).
Суд Маскоўскага раёна Брэста прызнаў Новіка вінаватым і ў "апаганьванне збудаванняў і псаванні маёмасці", і ў абразе Лукашэнкі. Мужчына цалкам прызнаў сваю віну. За кратамі ён знаходзіцца з 4 снежня 2021-га.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.