Жыхары Полацку адваявалі ў будаўнікоў парк
Мясцовыя ўлады хацелі пабудаваць гандлёвы цэнтр на месцы парка ля прывакзальнай плошчы, аднак гэта выклікала пратэсты.
Віцебскі аблвыканкам адказаў на зварот трох ініцыятыўных груп грамадзян і паабяцаў, што парк захаваюць. Цяпер будаўнічыя агароджы вакол парка здымаюцца. Ніводнае дрэва ў ім не спілуюць, запэўніваюць палачанаў мясцовыя чыноўнікі. Інвестару, які займаецца ўзвядзеннем гандлёвага цэнтру, прапанавана скарэктаваць план добраўпарадкавання прылеглай тэрыторыі.
Зрэшты, пакуль ішло змаганне за парк, будаўнікі паспелі высекчы дрэвы за межамі парка — ля старой кавярні “Бульбяная”. Сам будынак кавярні разбураны. Да таго ж на тэрыторыі парка, якая была “захопленая”, папсавалі газоны і пашкодзілі тратуарную плітку на сцежках, інфармуе Polack.by
