Адкрыццё Еўрапейскіх гульняў-2019 пройдзе на мінскім стадыёне "Дынама"
![Адкрыццё Еўрапейскіх гульняў-2019 пройдзе на мінскім стадыёне "Дынама"](/sites/default/files/styles/gallery_main/public/2023-08/000028_559227_big.jpg.webp?itok=oiL_FneO)
Адкрыццё другіх Еўрапейскіх гульняў-2019 пройдзе на мінскім стадыёне "Дынама". Сама ж арэна, якая ўзводзіцца, пачне дзейнічаць да канца 2017 года. Пра гэта ў эфіры тэлеканала "Беларусь 1" заявіў старшыня Мінгарвыканкама Андрэй Шорац.
Шорац: "Галоўная задача — максімальна хутка дабудаваць лёгкаатлетычны стадыён "Дынама", на якім пройдзе адкрыццё гэтага мерапрыемства і будзе праходзіць частка спаборніцтваў. Цэнтр мастацкай гімнастыкі, які таксама будзе задзейнічаны".
Паводле слоў Шорца, Цэнтр мастацкай гімнастыкі будзе здадзены ў эксплуатацыю ў сярэдзіне 2018 года. Кіраўнік сталіцы адзначыў, што наступны год будзе вельмі важны, паколькі "будзе закладзена база для правядзення Еўрапейскіх гульняў". Мінск стане "асноўнай пляцоўкай, дзе будуць праходзіць спаборніцтвы".