Баскетбалісты "Мінска" ўпершыню за апошнія 15 гадоў не заваявалі Кубак Беларусі
"Мінск" — "Барысфен" / vk.com/minskbasket
Баскетбалісты "Мінска" ўпершыню за апошнія 15 гадоў не заваявалі Кубак Беларусі. У чацвер у паўфінале яны сенсацыйна прайгралі магілёўскаму "Барысфену" — ў трэцім авертайме — 102:108 (12:24, 25:28, 21:12, 18:12, 10:10, 9:9, 7:13). Другую пуцёўку ў фінал атрымала "Гродна-93", якое абыграла віцебскі "Рубон" — 103:70.
У "Мінска" (былых "Цмокаў") проста катастрафічны сезон. У Адзінай лізе ВТБ яны прайгралі 19 матчаў запар. Нядаўна ў адстаўку пайшоў галоўны трэнер Расціслаў Вяргун, які працаўладкаваўся ў РФ.
vk.com/minskbasket
