Беларусь устанавіла дыпламатычныя адносіны з Багамскімі Астравамі
Беларусь устанавіла дыпламатычныя адносіны з Багамскімі Астравамі, інфармуе прэс-служба МЗС. Цырымонія прайшла 9 снежня у Пастаянным прадстаўніцтве нашай краіны пры ААН у Нью-Ёрку. Ад Беларусі подпіс пад дакументам паставіў пастаянны прадстаўнік Рэспублікі Беларусь пры Арганізацыі Аб'яднаных Нацый Валянцін Рыбакоў, а ад Садружнасці Багамскіх Астравоў — яе пастаянная прадстаўніца пры ААН Шэйла Кэры. Былі абмеркаваны перспектывы супрацоўніцтва краін і ў палітычнай, і ў эканамічнай галінах.
Садружнасць Багамскіх Астравоў — дзяржава, якая знаходзіцца ў Атлантычным акіяне на поўнач ад Карыбскага мора і Кубы. Яна аб'явіла незалежнасць у 1973 годзе. Агулам у склад архіпелага ўваходзіць да 700 астравоў. Насельніцтва складае больш за 385 тысяч чалавек.
В Постоянном представительстве #Беларуси при ООН состоялось подписание Совместного коммюнике об установлении дипломатических отношений между Республикой Беларусь и Содружеством Багамских Островов https://t.co/3NHlrECIdo
— МИД Беларуси (@BelarusMID) December 10, 2019
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
