Беларуская калійная кампанія дамовілася пра кошт паставак у Кітай
Беларуская калійная кампанія 17 верасня падчас перамоваў у Пекіне дамовілася з кансорцыўмам кітайскіх пакупнікоў (Sinochem, CNAMPGC, CNOOC) пра кантракт на пастаўкі калію ў Кітай. Канстракт будзе дзейнічаць па чэрвень 2019 года.
БКК будзе пастаўляць калій па 290 долараў за тону. Гэта на 60 долараў вышэй за леташні кошт.
Гендырэктар БКК Алена Кудравец пракаментавала прэс-службе сваёй кампаніі: "Гэта добрая цана, павышэнне больш чым на 25%, і мы ўпэўненыя, што такі ўзровень дапаможа забяспечыць далейшае паступальнае развіццё як рынку КНР, так і сусветнага рынку ў цэлым".
Дарэчы, Кітай з'яўляецца найбуйнейшым спажыўцом калію ў свеце. Кантрактная сістэма паставак гэтай краіны істотна ўплывае на развіццё сусветнага рынку мінеральных угнаенняў.
