Беларуску з працоўнай візай не пусцілі у Польшчу

Польскія памежнікі днямі не пусцілі ў краіну грамадзянку Беларусі. У яе пашпарце была працоўная віза. Прадстаўнікоў польскага боку збянтэжыла запрашэнне ад кампаніі-працадаўцы, а таксама тое, што запрашэнне было выдадзенае тры месяцы таму.

Беларусцы выдалі афіцыйную адмову ва ўездзе, а ў асабістай гутарцы параілі зрабіць новае "нармальнае запрашэнне". Еўрарадыё раней падрабязна расказвала пра ўсе нюансы перасячэння мяжы і знаходжання ў Польшчы па працоўнай візе.