Беларусы Варшавы ўзялі ўдзел у жалобнай цырымоніі на пл. Пілсудскага (фота)
Беларусы Варшавы ў суботу ўзялі ўдзел у жалобнай цырымоніі на плошчы Пілсудскага ў польскай сталіцы ў памяць загінулых 10 красавіка ў авіякатастрофе пад Смаленскам. Старшыня ініцыятывы Беларуская Нацыянальная Памяць Анатоль Міхнавец адзначыў, што шмат ўдзельнікаў мерапрыемства падыходзілі са словамі ўдзячнасці беларусам за салідарнасць з польскім народам у гэтую цяжкую для яго хвіліну.
