Бізнэсовец Юрый Чыж пракаментаваў адмену санкцый Еўрасаюза

Бізнэсовец Юрый Чыж заявіў, што "абсалютна спакойна" ўспрыняў навіну пра адмену супраць яго санкцый Еўрасаюза. "За тры з паловай гады я прывык працаваць ва ўмовах санкцый", — перадае БелаПАН словы Чыжа.

Разам з тым бізнэсовец дадаў, што Еўрасаюз яшчэ не пацвердзіў яму адмену абмежавальных мераў: "Мне сёння казалі банкіры, што яшчэ вісіць ліст чакання".

6 кастрычніка суд Еўрасаюза ў Люксембургу вырашыў адмяніць санкцыі супраць Юрыя Чыжа, а таксама яго групы кампаній "Трайпл" і футбольнага клуба "Дынама" (Мінск). У рашэнні суда гаварылася, што Савет ЕС не змог падаць доказыаў таго, што Чыж фінансава падтрымлівае рэжым Аляксандра Лукашэнкі.

У "чорны спіс" ЕС Чыж трапіў у сакавіку 2012 года як бізнэсовец, "які аказвае фінансавую падтрымку рэжыму Лукашэнкі праз сваё прадпрыемства "Трайпл", актыўнае ў розных сферах беларускай эканомікі".

Прадпрымальнік не можа ацаніць страты ад санкцый Еўрасюза, бо не падлічваў іх. Але яго кампаніі, кажа Чыж, прамых стратащ ад санкцый не адчулі.