Бізнесвумэн з Ліды выкрала цеплавоз
![Скрадзены цеплавоз / МУС РБ](/sites/default/files/styles/gallery_main/public/2023-08/e-69qd_weayzkfj.jpg.webp?itok=56Hrl18Z)
Скрадзены цеплавоз / МУС РБ
Супраць прадпрымальніцы з Ліды распачата крымінальная справа за крадзеж у буйным памеры, паведамляе МУС. У жанчыны ўжо ёсць судзімасць за эканамічныя злачынствы.
Лідчанка валодала фірмай па рамонце чыгуначнага транспарту, прыцягвала заказчыкаў з Беларусі і блізкага замежжа.
У 2014 годзе прадпрымальніца атрымала замову ад лесапрамысловай фірмы з Барысава на куплю цеплавоза за 40 тысяч даляраў у эквіваленце.
Неабходная тэхніка была знойдзена ва Украіне за 10 тысяч даляраў. Жанчына перадала цеплавоз заказчыку з Барысава, але прадаўцу нічога не заплаціла. На прэтэнзіі ўкраінцаў яна адказала, што гатовая вярнуць цеплавоз, калі яны самі забяруць яго з Беларусі.
Спробы вярнуць грошы зацягнуліся на некалькі гадоў. У выніку прадавец звярнуўся ў суд і выйграў справу. Сам цеплавоз уведзены ў эксплуатацыю на Барысаўскім прадпрыемстве.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.