BSSF: здзіўляюць гасціннасць і цеплыня, з якімі Фазель вёў перамовы з Лукашэнкам

Беларускі фонд спартыўнай салідарнасці заклікае кіраўніцтва IIHF "паважаць беларускі народ і тыя пакуты, якія перажылі людзі ад рэжыму Лукашэнкі". Ён заклікае федэрацыю ўжо ў бліжэйшы час аб'явіць пра немагчымасць правядзення ў Беларусі чэмпіянату свету па хакеі "з прычыны найгрубейшага парушэння правоў чалавека і ўсіх агульначалавечых прынцыпаў з боку рэжыму Лукашэнкі".

На відэа бачна, што Фазель і Лукашэнка абдымаліся на сустрэчы. Беларускі кіраўнік пераконваў госця, што ў нашай краіне "зусім нармальная сітуацыя з кропкі гледжання развіцця дэмакратычных працэсаў" (!). Аляксандр Лукашэнка заявіў, што Беларусь гатовая правесці сусветнае першынство нават без Латвіі (яна адмовілася праводзіць сумесны чэмпіянат пасля масавых парушэнняў правоў чалавека ў нашай краіне). "Калі Міжнародная федэрацыя хакея не справіцца з ціскам асобных палітычных колаў асобных краін — значыць, не будзе чэмпіянату свету ў Беларусі, — гаварыў ён. — Усё залежыць цяпер ад вас".