Будаўнічы рынак у Барысаве гарэў другі раз за тры дні
![Будаўнічы рынак у Барысаве гарэў другі раз за тры дні](/sites/default/files/styles/gallery_main/public/2023-08/barysau-1402-1.jpg.webp?itok=T3d0mNe5)
13 лютага ў 5:44 барысаўскія ратавальнікі атрымалі паведамленне пра пажар на тэрыторыі будаўнічага рынку на вуліцы Дзёміна. Прыбыўшы на месца, ратавальнікі пабачылі, што агонь узнік унутры будынку, паведамляе прэс-служба МНС.
Дарэчы, пажар у гэтым жа будынку здарыўся 11 лютага. Тады агонь знішчыў дах і пашкодзіў паддашкавае перакрыцце.
Гэтым разам былі пашкоджаныя перакрыцце, сцены і гандлёвае абсталяванне на першым паверсе будынку.
Прычына здарэння высвятляецца.
![Будаўнічы рынак у Барысаве гарэў другі раз за тры дні](/sites/default/files/paragraphs/image/barysau-1402-2.jpg)
Пажар на рынку ў Барысаве / mchs.gov.by
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.