ЦБС паведамляе "выдатныя навіны для беларусаў у Польшчы"
"Гэтая інтэрпрэтацыя можа стаць важным аргументам у спрэчных сітуацыях" / t.me/belsat/
МУС Польшчы пацвердзіў, што грамадзяне РБ без беларускага пашпарта могуць атрымаць дазвол на жыхарства па польскім праязным дакуменце. І патлумачылі, што гэта паўнавартаснае пасведчанне асобы. Па звестках @cbs_help, ён не толькі дае права на перасячэнне мяжы, але і пацвярджае асобу яго ўладальніка. Гэта значыць, што беларусы змогуць карыстацца польскім праязным дакументам у адміністрацыйных органах, банках і ў іншых выпадках, калі неабходна засведчыць асобу.
"Гэтая інтэрпрэтацыя можа стаць важным аргументам у спрэчных сітуацыях і мае істотнае значэнне для грамадзян Беларусі ў Польшчы", — адзначае Цэнтр беларускай салідарнасці.
Дарэчы, да 31 снежня беларусы з польскім ДНЖ пры неабходнасці могуць аформіць пашпарт замежніка бясплатна, калі ў беларускага пашпарта хутка скончыцца тэрмін дзеяння.
