Чакаць да трох месяцаў: у Беларусі праблемы з запчасткамі для бытавой тэхнікі
![Зламалася пральная машына](/sites/default/files/styles/gallery_main/public/2024-02/stirr.jpg.webp?itok=zbou60j7)
Зламалася пральная машына / youtube.com
— Падслухала ў "Электрасіле", як прадавачка скардзілася пакупніку, што праз санкцыі ў Беларусь перасталі паступаць сертыфікаваныя дэталі Bosch, таму замяніць іх на "родныя" па гарантыі немагчыма і людзям прапануюць аналагі.
Слухачка, якая расказала Еўрарадыё гэтую гісторыю, якраз збіраецца купляць пральную машыну. Жанчына баіцца, што ў выпадку паломкі тэхніку не змогуць адрамантаваць, і грошы будуць выкінутыя на вецер.
Мы праверылі, ці сапраўды ў Беларусі пачаліся праблемы з арыгінальнымі запчасткамі да бытавой тэхнікі. Расказваем, як можна засцерагчыся, каб потым не застацца ў літаральным сэнсе з нічым.
Магчымасці прывезці нейкія дэталі сапраўды няма
— Наогул Bosch — гэта даволі якасны брэнд. Не скажу, каб часта ўзнікалі нейкія праблемы, — кажуць у краме "Электрасіла". — Калі казаць пра запчасткі, то, імаверна, праз санкцыі нейкія дэталі няма магчымасці прывезці, нейкія імкнуцца прывозіць. Вядома, гэта не поўны асартымент.
![Ждать до трёх месяцев: в Беларуси проблемы с запчастями для бытовой техники](/sites/default/files/styles/default_image_paragraph/public/paragraphs/image/dil.png.webp?itok=L2fzLoTX)
Арыгінальную запчастку можна прачакаць ад двух тыдняў да трох месяцаў
Тэлефануем у "ЦБТ-Сэрвіс", які нам парэкамендавалі ў "Электрасіле".
— У нейкай ступені пытанне па пастаўках запчастак ёсць, — расказваюць там. — Калі казаць пра тэхніку Bosch, з якой мы працуем, то ў нас — толькі арыгінальныя дэталі: нейкія пастаўляюцца цягам двух тыдняў, нейкія — цягам трох месяцаў.
Мы не ведаем, што будзе заўтра, таму гаворым пра сітуацыю на сёння. Вы, як і я, не ведаеце, якая сітуацыя ў нас складзецца далей.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.