На Яўгена Юшкевіча пачалі крымінальную справу
З затрыманым Яўгенам Юшкевічам у ізалятары часовага ўтрымання спаткалася адвакатка Марыя Колесава-Гудзіліна. Пра гэта яна сама паведаміла ў сацсетках.
"На гадзінніку 21:40, я выйшла з ІЧУ. Жэня Юшкевіч цэлы і ўсім перадае прывітанне. Не пішыце мне па каментар, я на падпісцы", — напісала адвакатка.
Па тым, што з адвакаткі ўзялі падпіску аб неразгалошванні, можна меркаваць, што на Юшкевіча пачалі не адміністрацыйную, а крымінальную справу.
Як распавядала Еўрарадыё, Юшкевіч — былы следчы, ён звольніўся са Следчага камітэта некалькі гадоў таму. Сёлета ён удзельнічаў у праекце ByChange, які дапамагаў былым сілавікам уладкавацца ў грамадзянскім жыцці.
24 лістапада Юшкевіча затрымалі, у яго кватэры адбыўся ператрус.
На часах 21.40 ,я вышла из ИВС. Женя Юшкевич цел и всем передает привет. Не пишите мне за комментом ,я на подписке.
— Mary Kolesova-Hudzilina (@kolesovahudz) November 26, 2020
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
