Два чалавекі загінулі на пажары ў Брэсце
![Два чалавекі загінулі на пажары ў Брэсце](/sites/default/files/styles/gallery_main/public/2023-08/brest-1502-1.jpg.webp?itok=v2DE58g7)
15 лютага ў 2:46 ночы брэсцкіх ратавальнікаў выклікалі на пажар на вуліцы Паўночнай, паведамляе прэс-служба МНС.
Прыбыўшы на месца выкліку, ратавальнікі пабачылі, што драўляны аднапавярховы дом гарыць знутры. Гаспадароў не было бачна.
Супрацоўнікі МНС знайшлі на калідоры дома 60-гадовага пенсіянера, жыхара Алматы (Казахстан). На падлозе ў жылым пакоі ратавальнікі знайшлі яго 86-гадовага бацьку. Абодвух вынеслі на руках на чыстае паветра і перадалі лекарам з брыгады хуткай дапамогі. Медыкі канстатавалі смерць мужчын.
Прычына пажару высвятляецца.