Дырэктар ЖЭСа трапіўся на хабары праз два тыдні працы
Пракуратура Партызанскага раёна Мінска санкцыянавала ўзяццё пад варту 30-гадовага дырэктара аднаго з мясцовых ЖЭСаў.
На сваю пасаду ён быў прызначаны 1 верасня.
Як паведамляе БелаПАН, 16 верасня дырэктар ЖЭСа ў службовым кабінеце атрымаў хабар у 5 мільёнаў рублёў ад намесніка начальніка філіяла ТАА за заключэнне дамовы на тэхнічнае абслугоўванне арандаванага памяшкання.
Фірма арандавала памяшканне ў жылым доме і мела сваё ацяпляльнае абсталяванне. На заключэнні дагавора аб яго тэхнічным абслугоўванні і настойваў дырэктар ЖЭСа. ЁН прапанаваў заключыць фіктыўны дагавор без афіцыйнай аплаты.
Цяпер на яго пачалі крымінальную справу за хабар.
Фота — hronika.info
