Сілавікі раскрылі карупцыйную схему ў лёгкай прамысловасці

11 службовых асобаў найбуйнейшых прадпрыемстваў лёгкай прамысловасці Віцебскай вобласці трапілі ў поле зроку міліцыі, паведамляе МУС.

"Устаноўлена, што за спрыяльнае вырашэнне пытанняў па закупцы швейнага абсталявання, запчастак і камплектуючых фігуранты атрымлівалі грошы ад прадстаўніка віцебскай фірмы. Гатоўка перадавалася дзеля перамогі ў тэндарах і своечасовасці разлікаў за пастаўленую прадукцыю. Памер хабараў даходзіў да дзясяткаў тысяч рублёў", — гаворыцца ў паведамленні.

На ўсіх удзельнікаў злачыннай схемы завялі крымінальныя справы. Імёны фігурантаў і іншыя падрабязнасці ведамства пакуль не раскрывае.