Евангельскі прапаведнік Сяргей Мельянец знаходзіцца ў бяспецы
Сяргей Мельянец / фота з старонкі ў Фэйсбуку
Евангельскі прапаведнік Сяргей Мельянец выйшаў на волю і знаходзіцца ў бяспецы, паведамляе тг-канал "Хрысціянская візія".
Мужчына быў затрыманы ў Мінскім гарадскім судзе 19 сакавіка 2024 года. Ён прыйшоў на судовае пасяджэнне, каб малітоўна падтрымаць каталіцкага верніка і журналіста Радыё Свабоды Ігара Карнея.
Мельянцу прысудзілі адзін за адным два адміністратыўныя тэрміны агульнай працягласцю 25 сутак.
Сяргей Мельянец — грамадскі актывіст, хрысціянскі бард, бацька сямі дзяцей.
