Фонд BYPOL пачаў падрыхтоўку да аўдыту
![Аляксандр Азараў / Еўрарадыё](/sites/default/files/styles/main_image_watermark_/public/2023-08/azarau-1205.jpg.webp?itok=PM4lmQ1c)
Аляксандр Азараў / Еўрарадыё
Пачалося фармаванне назіральнага савета для правядзення аўдыту Фонду BYPOL. У тэлеграм-канале Фонду апублікаваны ліст, які кіраўнік BYPOL Аляксандр Азараў накіраваў у Каардынацыйную раду. Гэтай структуры прапанавалі вылучыць у назіральны савет некалькіх сваіх прадстаўнікоў. Паводле польскага заканадаўства, назіральная рада — адзіная структура, якая можа ініцыяваць працэс незалежнага аўдыту.
"Пра ўсе вынікі мы абавязкова паведамім, нам няма чаго хаваць ад беларускага народа", — гаворыцца ў паведамленні BYPOL.
Нагадаем, пасля канфлікту ў Фондзе ў пачатку чэрвеня ад BYPOL аддзялілася Аб'яднанне сілавікоў Беларусі, удзельнікі канфлікту пагадзіліся прайсці паліграф у незалежнага эксперта, а ў самім BYPOL вырашылі правесці фінансавы аўдыт. Праверку давераць незалежнай кампаніі, якую ўхваляць абодва бакі.
![Фонд BYPOL начал подготовку к аудиту](/sites/default/files/styles/default_image_paragraph/public/paragraphs/image/list_27_07.jpg.webp?itok=yF7VqFMe)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.