Фотафакт: У Слоніме гулялі ў шашкі 900 гадоў таму
Выраб з рога круглай формы быў знойдзены яшчэ ў 1968 годе падчас раскопак на мясцовым замчышчы.
Да сённяшняга часу выказваюцца розныя меркаванні наконт яго прызначэння, але большасць даследчыкаў называе гэты прадмет шашкаю. На знешняй паверхні гравіроўкай нанесены дзве выявы: зверху — фантастычная жывёла, падобная да каня, сабакі, льва або барса і знізу — драпежная птушка.
Найхутчэй шашка паходзіць з адной з краін Усходу. Яе прывезлі ў нашу краіну ў XII стагоддзі, адзначае сайт museum-grodno.by.
