Футбольная зборная Беларусі апусцілася ў рэйтынгу FIFA на адзін радок
Яго абноўлены варыянт быў апублікаваны ў чацвер, 18 верасня.
Зборная Беларусі займае ў рэйтынгу 89-е месца, у яе 364 ачкі. Вышэй знаходзіцца зборная Замбіі, ніжэй — зборныя Ірака і Батсваны. Лідыруюць немцы (1765 ачкоў), на другім месцы — аргентынцы (1631), на трэцім — калумбійцы (1488).
Адзначым, што ў нашых суседзяў наступныя месцы: Расія — 23-е, Украіна — 24-е, Польшча — 70-е, Латвія — 99-е, Літва — 103-е.
Нагадаем, свой апошні матч зборная Беларусі правяла з камандай Люксембурга і згуляла ўнічыю 1:1 (гл. відэа). 9 кастрычніка ў адборачным матчы чэмпіянату Еўропы 2016 года беларусы на сваім полі згуляюць з украінцамі.
