Халезін расчараваны трэцім пакетам санкцый ЕС: здрада і плявок у твар беларусам

У каментары "Нашай ніве" Мікалай Халезін нагадаў, што над пакетам санкцый "працавала аграмадная колькасць людзей —  журналістаў, расследавальнікаў, супрацоўнікаў розных спецслужб". Задача была, каб ЕС атрымаў "самы поўны спіс". Паводле слоў Халезіна, там была больш за сотня прозвішчаў беларускіх суддзяў, а "кашалькоў", якія працуюць "з сям'ёй Лукашэнкі", налічвалася некалькі дзясяткаў. І ўсё гэта з падрабязнай інфармацыяй. "У выніку ж мы ўбачылі спіс, які складзены абсалютна па незразумелай схеме, — кажа Мікалай Халезін. — ...Хутчэй за ўсё, гэта была нейкая праца лабістаў Пуціна і Лукашэнкі... Нейкі пацук нібыта спецыяльна прыбраў усе суб’екты, якія маглі б нанесці шкоду Лукашэнку".

Халезін лічыць, што ў ЕС павінны разабрацца, хто ж "так эфектыўна папрацаваў над гэтым".