Ігар Сечын адмаўляе, што "Раснафта" купляе акцыі "Уралкалія"
Кампанію "Раснафта" ў цяперашні час не цікавіць калійны бізнэс.
Пра гэта заявіў яе прэзідэнт Ігар Сечын, перадае РБК. Раней СМІ паведамлялі, што нафтавая карпарацыя цікавіцца набыццём долі Сулеймана Керымава ва "Уралкаліі". Продаж прыкладна 20% акцый "Уралкалія" стаў абмяркоўвацца ў сувязі з канфліктам кампаніі з уладамі Беларусі.
Нагадаем, што беларускі Следчы камітэт пачаў крымінальную справу на кіраўніцтва кампаніі ды яе найбуйнейшага акцыянера — Сулеймана Керымава. Гендырэктар "Уралкалія" Уладзіслаў Баўмгертнер апынуўся ў СІЗА КДБ.
Фота — ria.ru
