Каля 30 чалавек загінулі ў Дагестане з-за выбуху на АЗС
Ратавальнікі працуюць на месцы выбуху ў Махачкале / @mchs_officia
Падчас пажару і выбуху на аўтазапраўцы каля Махачкалы загінулі 27 чалавек. Яшчэ 102 чалавекі пацярпелі. Пра гэта гаворыцца ў паведамленні МНС РФ. І сярод загінулых, і сярод пацярпелых ёсць дзеці.
Трагедыя адбылася ўчора ўвечары. Па версіі следства, загарэўся аўтасэрвіс. Агонь пачаў распаўсюджвацца, дабраўся да запраўкі і ёмістасцяў побач з АЗС, яны і здэтанавалі. Узбуджана крымінальная справа па артыкуле аб аказанні паслуг, якія не адпавядаюць патрабаванням бяспекі з загінулымі.
Пажар на АЗС в Махачкале / @mchs_officia
Наступствы выбуху на АЗС у Махачкале / @shot_shot
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.