Камандзіры абаронцаў "Азоўсталі" вернуцца з Турцыі ва Украіну
![Камандзіры абаронцаў "Азоўсталі" разам з Зяленскім / тг-канал Зяленскага](/sites/default/files/styles/gallery_main/public/2023-08/photo_2023-07-08_17-12-21.jpg.webp?itok=9lZhayas)
Камандзіры абаронцаў "Азоўсталі" разам з Зяленскім / тг-канал Зяленскага
Прэзідэнт Украіны Уладзімір Зяленскі паведаміў аб вяртанні з Турцыі камандзіраў абаронцаў "Азоўсталі". У Стамбуле ён правёў перамовы з Эрдаганам.
"Мы вяртаемся дадому з Турцыі і прывозім дадому нашых герояў. Украінскія воіны Дзяніс Пракапенка, Святаслаў Паламар, Сяргей Валынскі, Алег Хаменка, Дзяніс Шлега нарэшце будуць з роднымі", – напісаў ён.
У верасні 2022 года пецярых байцоў абмянялі на прарасійскага ўкраінскага палітыка і алігарха Віктара Мядведчука. Пасля гэтага яны жылі ў Стамбуле. Паводле дамоўленасці з Эрдаганам, яны павінны былі заставацца ў Турцыі да заканчэння вайны.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.