КДБ: Чыж выйшаў на волю — віну прызнаў, страты кампенсуе

У Камітэце дзяржаўнай бяспекі пацвердзілі вызваленне з СІЗА ўладальніка групы кампаній “Трайпл” бізнэсмена Юрыя Чыжа. Як паведамляе БелаПАН са спасылкай на начальніка прэс-службы КДБ Дзмітрый Пабяржын, у дзяржаве існуе адзіны падыход у расследаванні фінансавых злачынстваў незалежна ад асобы чалавека. Калі падазраваны прызнаў віну і кампенсуе страты, то утрымліваць яго пад вартай няма неабходнасці.

Паводле Пабяржына, усе рашэнні па гэтай справе прымаліся ў строгім адпаведнасці з арт. 88-1 Крымінальнага кодэкса (вызваленне ад крымінальнай адказнасці ў сувязі з добраахвотнай кампенсацыяй нанесенай страты (шкоды).

Юрыя Чыжа затрымалі 11 сакавіка. Яго абвінавацілі ў злачынстве паводле ч.2 арт. 243 КК (ухіленне ад уплаты падаткаў і збораў у асабліва буйным памеры).

Учора, 15 верасня, з неафіцыйных крыніцаў стала вядома, што Чыж выйшаў на волю. Цяпер КДБ пацвердзіў гэтую інфармацыю.