Крымінальная справа Сафіі Сапега накіраваная ў суд

29/12/2021 - 13:45

Крымінальную справу Сафіі Сапега накіравалі ў суд, паведамляе прэс-служба Генпракуратуры. Дзяўчыну вінавацяць па сямі артыкулах Крымінальнага кодэкса.

Сапега напісала прашэнне аб памілаванні на імя Аляксандра Лукашэнкі. Але, мяркуючы па тым, што справа пайшла ў суд, яно яшчэ не разгледжанае.

У афіцыйным паведамленні гаворыцца, што падчас папярэдняга расследавання Сапега выканала абавязацельствы ў адпаведнасці з дасудовым пагадненнем аб супрацы. Гэта дапамагло выкрыць іншых саўдзельнікаў "супрацьпраўных дзеянняў".

Таксама дзяўчына прыняла меры для выплаты "даходу, атрыманага злачынным шляхам".

Сапега была затрыманая ў траўні 2021-га. Яе разам з Раманам Пратасевічам знялі з рэйса Ryanair, які ляцеў з Афінаў у Вільню і быў прымусова пасаджаны ў Мінску.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.