Кучук: Аб тым, каб узначаліць зборную Беларусі, я нават не думаў
Беларускі спецыяліст, былы галоўны трэнер “Лакаматыва” Леанід Кучук лічыцца адным з магчымых пераемнікаў Георгія Кандрацьева.
“Пакуль нічога не магу сказаць з нагоды таго, ці пагадзіўся б ці не ўзначаліць зборную Беларусі. Наогул пакуль не думаў аб такім варыянце”, - цытуе Кучука “Прэсбол”.
Нагадаем, учора АБФФ абвясціла аб датэрміновым скасаванні кантракту з Георгіем Кандрацьевым. Арганізацыя ўжо склала спіс прэтэндэнтаў на пасаду галоўнага трэнера нацыянальнай каманды. Вядома, што трэнерскі штаб Кандрацьева пакуль працягне працу з нацыянальнай камандай.
