Курс рубля ў Беларусі 14 верасня вырас адносна ўсіх асноўных валютаў
14 верасня на Беларускай валютна-фондавай біржы адбыліся чарговыя таргі. Па іх выніках Нацбанк вызначыў новыя курсы валют.
Сёння пайшлі наніз курсы ўсіх асноўных валютаў. Курс долара ЗША паменшаў з 2,1528 да 2,1387 рубля, курс еўра таксама знізіўся — з 2,5009 да 2,4996 рубля. За 100 расійскіх рублёў сёння даюць 3,1290 беларускага (у чацвер — 3,1371).
Беларускі рубель умацаваўся да кошыка валют на 0,34%.
