Лукашэнка: Беларусь пакуль не выходзіць з ЕАЭС
Ён лічыць, што дамова аб Еўразійскім эканамічным саюзе вельмі выгадная для нашай краіны.
Беларусь бачыць перспектыву ў Еўразійскім эканамічныя саюзе і не збіраецца з яго выходзіць. Пра гэта Аляксандр Лукашэнка заявіў у інтэрв’ю вядоўцы праграмы “Весці ў суботу” тэлеканала “Расія 1” Сяргею Брылёву.
Кіраўнік дзяржавы адмаўляе, што Беларусь хоча выйсці з гэтай дамовы.
“Нехта спрабуе мяне папракнуць (адсочваю гэта з нашага дыялогу з журналістамі), што Лукашэнка хоча выйсці з Еўразійскага саюза. Ды Гасподзь з вамі. Усё нашмат прасцей, чаму гэтае пытанне ўзнікла, — патлумачыў кіраўнік дзяржавы. — У нас апазіцыя пачала папракаць мяне і ўладу ў тым, што мы падпісалі гэтую дамову, з якой немагчыма выйсці. Я рэагую на гэта — вы чытайце дамову”.
Лукашэнка падкрэсліў, што ніводная краіна не падпісвае дамовы, з якой нельга было б выйсці.
“Таму, калі ўжо вельмі балюча і цесна, то з любой дамовы можна выйсці, у тым ліку і Еўразійскага саюза. Мяне абвінавацілі (але гэта звыкла для мяне), што Лукашэнка хоча выйсці з гэтай дамовы. Навошта? Нам яна вельмі выгодная, і мы бачым перспектыву ў гэтым”, — цытуе кіраўніка дзяржавы БЕЛТА.
