Лукашэнка пачаставаў навукоўцаў гарбатай з варэннем са сваіх запасаў
2 лютага Аляксандр Лукашэнка сустрэўся з прадстаўнікамі навуковай сферы. Кіраўнік краіны запэўніў іх, што ў нашай краіне вялікая ўвага надаецца пытанням падтрымкі і стварэнню умоў для самарэалізацыі таленавітых людзей, паведамляе БЕЛТА.
Потым ён пераключыўся на тэму спорту ў сувязі з будучай зімовай Алімпіядай у Пхёнчхане.
Паведамляецца, што падчас сустрэчы Лукашэнка частаваў навукоўцаў хатнімі піражкамі, гарбатай з варэннем і цукеркамі. Варэнне, як паведаміў кіраўнік дзяржавы, з яго асабістых запасаў. Магчыма, гэта было тое самае знакамітае — малінавае!
