Міліцыя будзе судзіцца з "Камсамолкай"

Міністэрства ўнутраных спраў Беларусі падае ў суд на газету "Комсомольская правда в Беларуси". Пра гэта заявіў намеснік міністра Яўген Палудзень, перадае БЕЛТА.
Па яго словах, журналісты газеты сказілі інфармацыю аб здарэнні ў Нацыянальнай бібліятэцы ў Дзень горада.

У артыкуле пісалася, што 42-гадовы мужчына выпаў з трэцяга паверху, калі яго спрабавалі дагнаць супрацоўнікі міліцыі. На наступны дзень у лякарні ён памёр.

Насамрэч, як адзначыў Палудзень, у бібліятэцы ў той дзень працавалі супрацоўнікі службы аховы і ратавальнікі, якія спрабавалі выратаваць мужчыну.