Мінчук захрас у кратах, калі палез дамоў праз гаўбец
![Мінчук захрас у кратах, калі палез дамоў праз гаўбец](/sites/default/files/styles/gallery_main/public/2023-08/haubiec-0405.jpg.webp?itok=-6Lh5fRY)
У нядзелю, 3 траўня, ў 16:31 мінскіх ратавальнікаў выклікалі да дома 124 на праспекце Ракасоўскага. Як паведамляе прэс-служба МНС, там у кратах захрас чалавек.
Высветлілася, што 60-гадовы мужчына забыся ключы ад ад дома. У сваю кватэру на першым паверсе ён паспрабаваў трапіць праз гаўбец, як рабіў не першы раз. Аднак штосьці пайшло не так, і мужчына захрас у кратах.
Дапамогу яму выклікалі мінакі, якія заўважылі незвычайнае відовішча. Пры дапамозе падручных сродкаў ратавальнікі вызвалілі мужчыну. Ён пры здарэнні не пацярпеў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.